Қазақстан президенті Нұрсұлтан Назарбаевтың жарлығымен ұлттық қауіпсіздік комитетінің төрағасы болып жаңадан тағайындалған Кәрім Мәсімов осымен екінші рет премьер-министр қызметінен кетті. Бұған дейін 2007-2012 жылдары үкіметті басқарған ол кейін екі жыл ел президенті әкімшілігі басшысы қызметін атқарған. Ал 2014 жылы сәуірде премьерлікке қайта тағайындалған Мәсімов күні кешеге дейін үкіметті басқарып келді.
Назарбаев үкімет жетекшісі міндетін уақытша атқаруды премьер-министрдің бірінші орынбасары Бақытжан Сағынтаевқа жүктеп, министрлерге жаңа үкімет жасақталғанша міндеттерін орындай тұруды тапсырды.
Оқи отырыңыз: Кәрім Мәсімов ҰҚК-ге барды
Қазақстан үкіметіндегі ауыс-түйіс нені білдіреді? Бұрынғы үкімет қандай іс тындырды? Жаңадан келетін үкіметтен не күтуге болады?
AzattyqLIVE бүгінгі хабарында бұл туралы оппозициялық саясаткер Әміржан Қосановпен талқылады.
