2007 жылдың күзінде «Шаңырақ ісі» бойынша жауапқа тартылған 24 адам жаппай тәртіпсіздікке қатысқандары үшін айыпты деп танылып сотталды. Соның ішінде төртеуі полиция қызметкерінің өліміне қатысы бар деген айыппен сот үкімі бойынша ұзақ мерзімге, атап айтқанда Арон Атабек - 18, Қ.Өтегенов - 16, Е.Тараншиев - 15 және Р.Тұяқов 14 жылға бас бостандығынан айырылып, қалған 20 азамат 3 жылға шейін шартты түрде сотталған болатын. Сотталғандардың адвокаттары «Шаңырақ ісі» бойынша сот үкімінің әділетсіз, заңсыз болғанын айтып Жоғарғы сотқа аппеляциялық арыз түсірген.
Ал осы іс бойынша тергеу жұмысына және сот ісіне негізгі куәгерлер ретінде қатысқан ағайынды Айбатыр мен Бауыржан Ибрагимовтер үстіміздегі жылдың 14 мамырында бұрынғы берген айғақ жауаптарынан бас тартып, полиция тергеушілері қысым көрсетіп, жалған мәлімет беруге мәжбүрлегенін мәлімдеді. Осыған байланысты Қазақстанның Бас прокуроры Рашид Түсіпбеков пен Қазақстанның Жоғарғы сотының төрағасы Қайрат Мәмидің атына жолдаған арыз-өтініштерінде ағайынды Ибрагимовтер 2006 жылғы шілденің 14-күні Алматы қаласының «Шаңырақ» ықшамауданындағы жаппай тәртіпсіздік кезінде қаза тапқан полиция қызметкері Әсет Бейсеновтың өліміне кінәлі деп танылған Арон Атабек, Ерғанат Тараншиев, Құрманғазы Өтегенов және Рүстем Тұяқовқа қатысты барлық болған жағдайды баяндап берген.
«Шаңырақ» ықшамауданында тұратын Айбатыр Ибрагимов полиция тергеушісі Тельман Елубаев тарапынан қатты қысым мен зәбірлеу көргендіктен, оларға қажетті жалған айғақтарды беруге амалсыз барғанын, шынтуайтында, тергеуде айып тағылған жігіттерді өмірінде көрмегендігін айтқан.
2006 жылғы 14 шілдеде басып алған жерлерден кетуді талап еткен жергілікті билікке қарсылық білдірген Алматыдағы «Шаңырақ 1» ықшамауданының тұрғындары мен құқық қорғау қызметкерлері қақтығысып қалған еді. Жаппай тәртіпсіздік кезінде құқық қорғау қызметкерлерінің 150-сі жараланып, 16-сы ауыр жарақат алды. Қақтығыс кезінде Бостандық ауданы ішкі істер басқармасының қызметкері, 24 жасар Әсет Бейсеновтің үстіне белгісіз біреулер бензин құйып өртеп жіберген болатын. Денесінің 70 пайызы күйіп кеткен ол, 12 күннен кейін Алматыдағы №12 ауруханада көз жұмды.
Ал осы іс бойынша тергеу жұмысына және сот ісіне негізгі куәгерлер ретінде қатысқан ағайынды Айбатыр мен Бауыржан Ибрагимовтер үстіміздегі жылдың 14 мамырында бұрынғы берген айғақ жауаптарынан бас тартып, полиция тергеушілері қысым көрсетіп, жалған мәлімет беруге мәжбүрлегенін мәлімдеді. Осыған байланысты Қазақстанның Бас прокуроры Рашид Түсіпбеков пен Қазақстанның Жоғарғы сотының төрағасы Қайрат Мәмидің атына жолдаған арыз-өтініштерінде ағайынды Ибрагимовтер 2006 жылғы шілденің 14-күні Алматы қаласының «Шаңырақ» ықшамауданындағы жаппай тәртіпсіздік кезінде қаза тапқан полиция қызметкері Әсет Бейсеновтың өліміне кінәлі деп танылған Арон Атабек, Ерғанат Тараншиев, Құрманғазы Өтегенов және Рүстем Тұяқовқа қатысты барлық болған жағдайды баяндап берген.
«Шаңырақ» ықшамауданында тұратын Айбатыр Ибрагимов полиция тергеушісі Тельман Елубаев тарапынан қатты қысым мен зәбірлеу көргендіктен, оларға қажетті жалған айғақтарды беруге амалсыз барғанын, шынтуайтында, тергеуде айып тағылған жігіттерді өмірінде көрмегендігін айтқан.
2006 жылғы 14 шілдеде басып алған жерлерден кетуді талап еткен жергілікті билікке қарсылық білдірген Алматыдағы «Шаңырақ 1» ықшамауданының тұрғындары мен құқық қорғау қызметкерлері қақтығысып қалған еді. Жаппай тәртіпсіздік кезінде құқық қорғау қызметкерлерінің 150-сі жараланып, 16-сы ауыр жарақат алды. Қақтығыс кезінде Бостандық ауданы ішкі істер басқармасының қызметкері, 24 жасар Әсет Бейсеновтің үстіне белгісіз біреулер бензин құйып өртеп жіберген болатын. Денесінің 70 пайызы күйіп кеткен ол, 12 күннен кейін Алматыдағы №12 ауруханада көз жұмды.