Халықаралық ауыр атлетика федерациясы Лондон олимпиадасы кезінде алынған сынамаларды қайта тексергенде он атлеттің допинг қолданғаны расталғанын хабарлады. Олардың арасында 2012 жылы олимпиада чемпионы атанған қазақстандық төрт спортшы – Илья Ильин, Светлана Подобедова, Зүлфия Чиншанло және Мая Манеза бар.
Қазақстандық төрт олимпиада чемпионы жарыстан шеттетілді
Егер допинг пайдаланғаны түбегейлі дәлелденсе халықаралық олимпиада комитеті оларды чемпион атағынан айырып, Лондон олимпиадасының төрт алтын медалін қайтарып алуы мүмкін.
«Допинг пайдалану» күдігіне ілінген атлеттердің үлкен спорттағы ендігі тағдыры не болады? Олар мемлекеттен алған ақшалай-заттай сыйлықтарды да қайтаруы тиіс пе? «Допинг дауы» неліктен араға төрт жыл салып шығып отыр?
AzattyqLIVE бұл тақырыпты қазақстандық спорт журналисі Есей Жеңісұлымен талқылады. Хабардың толық видеосын сәлден соң осы жерден көре аласыз.
