Қараша айының 13-і күні Алматы қаласы Алмалы аудандық 2-сотының шешімімен «Жас Алаш» газетінің бас редакторы Рысбек Сәрсенбайға, басылым тілшісі Меруерт Тұрлыбекова мен оқырманы Қаден Мұқанұлына, Жасан Зекейұлының бұрынғы әйелі Гүлия Әлиханқызына және Гүлия Әлиханқызының әкесі Әлихан мырзаға барлығы 40 миллион теңге айыппұл салынды. Бұған қоса «Жас Алаш» газетіне Жасан Зекейұлы туралы жазылған мақаланы терістеу міндеттелді.
Оқи отырыңыз: Сот «Жас Алашты» айыппұл төлеуге міндеттеді
Осы ретте журналист Қасым Аманжол жүргізген AzattyqLIVE хабарында «Жас Алаш» газеті мен Жасан Зекейұлы арасындағы сот тәуелсіз баспасөзге жасалған қысым ба әлде жеке азамат пен газет арасындағы тұрмыстық дау ма?» деген сауал талқыланды. Өйткені биыл бірнеше оппозициялық басылым сот шешімімен жабылған еді.
