Кәсіпқой бокстан әлем чемпионы болған қазақстандық Геннадий Головкин 2026 жылы Халықаралық бокстың Даңқ залына (International Boxing Hall of Fame) енеді. Бұл туралы Даңқ залы ресми сайтында жариялады.
АҚШ-та орналасқан бокс музейі мен даңқ залына жыл сайын кәсіпқой бокста жетістікке жеткен үш боксшы енгізіледі.
43 жастағы Головкин бұл залда есімі жазылатын алғашқы қазақстандық боксшы болмақ. Постсоветтік елдерден бұған дейін бұл тізімге украиналық ағайынды Владимир мен Виталий Кличколар және ресейлік Костя Цзю енген еді.
Халықаралық бокстың Даңқ залында америкалық боксшылар Мұхаммед Али, Майк Тайсон, Флойд Мейвезер, Оскар Де Ла Хойя, британиялық Леннокс Льюис, филиппиндік Мэнни Пакьяо бар.
Головкин 2022 жылға дейін кәсіпқой бокста орта салмақта (72,5 келі) IBF, IBO және WBA тұжырымдарында әлем чемпионы болған. Ол кәсіпқой рингте 42 рет жеңіске жетіп, бір рет тең түсіп, екі рет жеңілген. 2004 жылғы Афина олимпиадасын күміс жүлдегері, әуесқой бокстан 2002 жылғы әлем чемпионы.
Головкин 2024 жылдан бері Қазақстан ұлттық олимпиада комитетін басқарады. Жақында әуесқой бокстағы World Boxing ұйымының да президенті болып сайланды.
