2 желтоқсанда Қазақстан қор биржасында (KASE) Астана уақытымен сағат 17:00-де ақша саудасы аяқталған сәтте АҚШ долларының орташа бағамы 507,96 теңгеге тең болды. Бұл күні қаржы қорында шамамен 290 млн долларға сауда жасалып, қазақ валютасы бұдан бір күн бұрынғыдан 5 теңгеге жуық нығайған.
2025 жылғы қыркүйектің аяғында АҚШ валютасының ресми бағамы 549 теңгеден асқан еді. Содан бергі уақытта теңге біртіндеп нығайып келеді.
Kurs.kz сайтының дерегінше, 2 желтоқсанда елдегі валюта айырбастау орындарында доллардың теңгеге шаққандағы орташа бағамы Алматыда – 507,67 (сатып алу) / 510 теңге (сату), Астанада – 505.54 / 512.54 теңге, Шымкентте – 507.38/509.59 теңге болған.
Өткен айда парламент сенатында сөйлеген сөзінде Ұлттық банк төрағасы Тимур Сүлейменов жыл басынан бергі он айда теңгені нығайтуға шамамен 5,1 долларға жуық қаражат жұмсалғанын айтты. Сүлейменов қараша-желтоқсан айларында ұлттық валютаны нығайтуға 1 трлн теңге жұмсау жоспарланғанын мәлімдеген.
Бұған дейін кейбір сарапшылар теңгенің нығаюын уақытша құбылысқа жатқызған еді.