Қазис Тоғызбаев 2008 жылғы қыркүйектен бастап өмірінің соңына, яғни 2021 жылғы 28 ақпанға дейін Азаттықтың Алматыдағы тілшісі ретінде еңбек етті. Азаттыққа дейін оппозициялық "Сөз" және "Азат" газеттерінде, kub.info сайтында тілші болған.
Азаматтық белсенді Олеся Халабузарь "ұлтаралық араздық қоздырды" деген айыппен екі жылға сотталды.
Соңғы бірер айдың жүзінде Қазақстанда ауа райында тосын құбылыстар жиілеп кетті. Ал елдің ауа райын болжау мекемесі құрал-жабдық ескіріп, кадрлар жетісейтіндіктен күн райына нақты болжам жасау қиын екенін айтады.
Былтырғы Ақтөбе мен Алматыдағы шабуылдардан соң қауіпсіздік органдары террордың алдын алу саласындағы жетістіктерін хабарлап отырады. Кей сарапшылар «діннің атын жамылған терроризмнің» бар екенін және онымен күресте адам құқықтарының бұзылуы мүмкін екендігін ескертеді.
Қазақстанның ұлттық қауіпсіздік комитетінің (ҰҚК) 25 жылдық мерейтойында сөйлеген президент Нұрсұлтан Назарбаев чекистерді «үнемі сақ болуға» және «қорғанысқа әзір отыруға» шақырды. Біреулер мұны әдеттегі жаттанды сөз десе, басқа сарапшылар «Назарбаев ҰҚК-нің рөлін күшейтуді көздейді» деп, президенттің пікірінен секемденді.
11 жыл бұрын Алматы маңындағы Шаңырақ ауылы тұрғындары полицияның үйлерін бұзу әрекетіне ұйымдасып қарсы шыққан еді. Осы іс бойынша сотталғандардың біразы мерзімінен бұрын шартты түрде босап шығуға тырысып жатыр.
Алматыдағы «Иегова куәгерлерінің христиан орталығының» аймақтық діни бірлестігінің іс-әрекеті сот шешімімен үш айға тоқтатылды, олар ресейлік әріптестерінің тағдырын қайталаудан қорқады.
Ұлттық қауіпсіздік комитетіне өзге күш құрылымдарына қатысты коррупциялық істерді тексеру құқығы берілді. Кейбіреулер мұны арнайы қызметтің қазіргі өкілеттігін заңдастырумен, ал өзгелер - келешек билік транзитімен байланыстырады.
Бүгін Қазақстан президенті Нұрсұлтан Назарбаев Ресей мен Украина арасындағы шиеленісті реттеуге өз көмегін ұсынды. Бұған қоса бүгін «Бітімгер миссиясы» телефильмі көрсетіледі деп жоспарланған. Азаттыққа берген комментариінде кей сарапшылар Назарбаевтың бітімгер ретіндегі рөлін әр қилы бағалайды.
Қазақстан президенті әкімшілігінің жоғары лауазымды бұрынғы екі қызметкерінің атышулы, бірақ құпияландырылған ісі бірден жарияланбаған айыптау үкімімен аяқталды. Мұның бәрі қоғамдағы қилы жорамалдар мен болжамдарға түрткі болды.
Түрмеде отырған «Қазатомпром» компаниясының бұрынғы президенті Мұхтар Жәкішевтің туыстары мен құқық қорғаушылар оның денсаулығына әлі алаңдап отыр. Түрме билігі алаңдауға да, оны климаты жұмсақтау өзге аймақтағы түрмеге ауыстыруға да себеп жоқ деп мәлімдейді.
Астананың әуе айлағының атауын «Нұрсұлтан Назарбаев халықаралық әуежайы» өзгерткен соң қоғамда Алматы әуежайын Қазақстанды советтік кезеңде басқарған Дінмұхаммед Қонаев атымен атауға қатысты бастама пайда болды. Алайда біраз уақыттан соң петиция жарияланған сайтқа кіру қиындады. Ақпарат және коммуникация министрі бастама туралы білмейтінін және оны блоктау туралы естімегенін айтты.
Кей сарапшылар ертеректе құрылған әдеп жөніндегі уәкіл институты ережелеріне енгізілген түзетулер - мемлекеттік қызметшілер арасындағы «перманентті моральдық дағдарысты» мойындау әрі оны жеңуге тырысқан кезекті әрекет деп санайды.
Қазақстанда заң бұзу күдігіне ілінген адам полиция күш қолданған сәттен бастап азаптау әрекеттеріне тап болуы мүмкін. Құқық қорғаушылар түрме басшылығы әдетте «екі жақтың келісімімен болған секс» деп көрсетуге тырысатын тұтқын әйелдерді зорлауды да азаптау деп тану керек дейді.
Екі кішкентай баласы бар қапшағайлық Жанна Өмірова «діни өшпенділікті қоздыру» және «терроризмді насихаттау» айыбымен бес жылға сотталды. Оның терроршы деп танылған ері түрмеде отыр, сондықтан балалары әжесінің қолында қалды.
Қорғаныс министрлігі әскери қызметшілердің баспана мәселесін «тұтынушылық жүйеден жинақтау жүйесіне көшу» қарастырылған жаңа модель арқылы шешуді ұсынады. Бұл модельге сәйкес, әскерилер баспана сатып алу үшін банктен есеп-шот ашып, ақша жинауы тиіс. Сарапшылар жемқор басшыларға пәтерден гөрі ақша ұрлау оңайырақ деп санайды.
Оппозициялық «Саяси қалам. Трибуна» газетінің иесі кәсіпорнын жауып тастағандықтан, енді басылым шыға алмайтын болды. Газет жақтастары оны жабудың себебін саяси тапсырыспен байланыстырады. Басылыммен соттасқан әскери зейнеткер басылымның жабылғанын дұрыс деп санайды.
«Қазатомпром» компаниясының бұрынғы президенті Мұхтар Жәкішевті этаппен Қарағанды облысындағы түрмеге жіберді, түрмеге түскеннен бері оны талай ауыстырған. Сарапшылар бұрынғы топ-менеджерді түрмеден түрмеге ауыстыра берудің астарынан саяси тапсырыс элементтерін байқаған. Билік мұны жоққа шығарады.
Биылғы көктем Қазақстанда су тасқынына қарсы жүйенің мықтылығына қатысты проблемаларды ғана емес, биліктің су тасқыны ауқымы туралы хабар таратуға қатысты көзқарасын да жайып салды.
Қазақстан қорғаныс министрі Сәкен Жасұзақов ел армиясы "гибрид соғыстарға" тойтарыс беруге әзір екенін мәлімдеді. Азаттық сөйлескен кей сарапшылардың пікірі өзгеше.
Тағы
