29 қарашада Украинаның экипажсыз катерлері теңіз терминалының айлақ құрылғысын істен шығарып, мұнай тасымалы тоқтаған еді. Қазақстанның сыртқы істер министрлігі бұған қатысты мәлімдеме жасап, Украинаға наразылық білдірген. Бұл оқиға Қазақстанда үлкен пікірталас тудырды.
Бірнеше жыл бойы мемлекеттік сатып алудағы ұзақ рәсімдерді қысқартып, ұсақ тауарларды жедел алу тетігін қарастырған үкімет 2022 жылы OMarket.kz электрон дүкенін таңдады. Алайда платформа айналасында баға қолдан көтерілгені және конкурс шарттары күмәнді болғаны жайлы сын көп айтылды.
Байқоңырдан ғарышқа ұшқан ресейлік "Союз" зымыраны қалдықтары Ұлытау өңіріндегі елдімекенге жақын маңда далаға құлаған. Депутат оқыс оқиға жұртты абыржытып тастағанын айтса, қазақстандық министрлік "қалдықтар қауіп тудырмайды" дейді. "Союз" зымыраны ұшқан кезде Байқоңырдағы ұшу алаңына зақым келген.
Украинаның сыбайлас жемқорлыққа қарсы құрылымдары Киевте президент Владимир Зеленский кеңсесінің басшысы Андрей Ермактың үйіне тінту жүргізген. Мұны шенеуніктің өзі де растады. Тінту Зеленскийге жақын адамдар жымқорлық қылмысына байланысты күдікке ілініп, қоғамда резонанс тудырған шақта жасалды.
Бішкекте Ұжымдық қауіпсіздік шарты ұйымының саммиті өтті. ҰҚШҰ-ға Ресей, Беларусь, Қазақстан, Қырғызстан, Тәжікстан мен Армения мүше. Бірақ Армения Қарабақтағы соңғы қақтығыстан кейін ұйымға қатысуын тоқтатқан. Сонымен Қырғызстандағы жиын қалай өтті?
"Назарбаев та, Әлиев те бізді өз пайдасына қолданғысы келеді". Қазақстанның экс-президенті мен бұрынғы күйеу баласы жайлы АҚШ дипломаттары осылай жазған. "Эпштейн құжаттарында" сілтеме жасалған газет мақаласында Рахат Әлиев АҚШ-тан пана сұрап, 2 млрд доллар активін қайтаруға талпынғаны айтылған.
Қазақстандық басылымдар Ұлттық аграрлық университетті 21 жыл бойы басқарған Тілектес Есполовтың ұлы Айдос Есполовтың ұсталғанын жазды. Екінші жағынан, кіші Есполов экс-президент Нұрсұлтан Назарбаевтың тоқалы Әсел Құрманбаеваның ағасы болып келеді.
Тәжікстанда Oriz атты ұлттық мессенджер пайда болды. Үкімет жанындағы байланыс қызметі қосымшаны ыңғайлы әрі қауіпсіз деп сипаттаса, сарапшылар жаңа мессенджер қолданушының жеке деректерін сырттан бақылауға мүмкіндік береді деген күмән барын айтады.
Қытайдың Шаньси провинциясындағы, бұрын шикізатты "Роснефть" компаниясынан сатып алып келген мұнай өңдеу зауыты Қазақстанмен келісімшарт жасасқан деп жазды Reuters. Қытай Ресейден алып келген мұнай көлемін толықтай алмастыруға Қазақстанның шамасы жете ме? "Настоящее Время Азия" сарапшылардан сұрады.
Тағы
