Ресей әскері Донецк облысының батысындағы украин қорғаныс шебінің тірегі Покровскінің 95%-ын бақылауда отыр. Бұл жөнінде НАТО-ның аты-жөнін атамаған жоғары лауазымды шенеунігіне сүйенген “Неміс толқыны” және “Украинская правда” жазды.
Дереккөздің айтуынша, қалада украин қорғанысының шағын ошақтары ғана қалған, олар “іс жүзінде қоршауда қалып отыр”. Оларға тиісті жарақ дрондар арқылы жеткізіліп жатыр. Украин әскері тар дәліз арқылы бірте-бірте кетіп жатыр.
Басылымдардың жазуынша, Покровскінің шығысына қарай жапсарлас жатқан Мирноград қаласы да толық қоршауда қалған. Украинаның Покровск маңында қорғаныс сызығын әзірлеп жатқаны хабарланды.
Бұған дейін Ресей Покровскіні толық басып алғанын хабарлаған еді, алайда украин әскері мұны жоққа шығарған.
НАТО шенеунігіне сүйенген “Неміс толқыны” сайтының жазуынша, Ресей Покровскіні бір жылдан астам уақыт бұрын жаулап алуды көздеген, алайда бұл бағытта өте баяу жылжыған, осы жолда Ресей әскері өте көп адамынан айырылған.
Майдандағы ахуалды бақылайтын украиналық DeepState жобасының картасынан Покровскінің басым бөлігі Ресей бақылауында немесе “сұр аймақта” екені яғни, ол жерді не орыс әскері не украин жасағы бақылауда отырғанын көруге болады. “Сұр аймақтың” көптігі ондағы аумақты бақылауды түрліше тәпсірлеуге себеп болып отыр.
НАТО-дағы дереккөз: Ресей Покровскінің 95%-ын бақылауда ұстап отыр
ОҚИ ОТЫРЫҢЫЗ